नया सुदामा चरित

ऐसे बिहाल बिबाइन सों, पग कंटक-जाल लगे पुनि जोए,

हाय महादुख पायौ सखा ! तुम आये इतै न कितै दिन खोए.

देखि सुदामा की दीन दसा, करुना करिकें करुनानिधि रोए,

पानी परात सों हाथ छुयौ नहिं, नैनन के जल सों पग धोए.

{सुदामाचरित : नरोत्तमदास}

कलयुगी करुणानिधि -

भूख-अभाव फटो छप्पर, कब लौं अभिसाप प्रभू कोऊ ढोए,

रोज गुलामी कुबेरन की करि, इज्जत-आबरू दोनहु खोए.

देख सुदामा की दीन दसा, करूनानिधि चादर तानि के सोए,

पादुका-हीन सखा पग जानि, तुरंतहिं मारग कंटक बोए.